Vrou pleit skuldig vir moord op polisieman-vriend in Mbombela

'n Vrou wat daarvan aangekla word dat sy haar polisiebeampte-kêrel in Augustus verlede jaar in sy bed in Pienaar doodgeskiet het, het vandag in die Mpumalanga Hooggeregshof in Mbombela skuldig gepleit. Sersant Mandlenkosi Happy Thwala is vyf keer geskiet, na bewering met sy eie dienspistool. Die 28-jarige Zanele Mkhonto is kort daarna aangekeer. Volgens die woordvoerder van die Valke, Kaptein Dineo Sekgotodi, is die saak tot 27 November uitgestel vir die voorvonnisverslag. Mkhonto bly in aanhouding.