DA in Mpumalanga sê matrikulante skryf eksamen in haglike toestande
Loading player...
Die DA in Mpumalanga sê dit is onaanvaarbaar dat matrikulante hul eindeksamen in haglike toestande by die Phiva-gemeenskapsaal in Nkomazi moet aflê. DA-lid Jane Sithole sê die saal is vervalle en daar is nie eens water nie. Sy sê daar kan nie van graad-12-leerlinge verwag word om onder sulke omstandighede te presteer nie. Die party het aan die LUR, Bonakele Majuba, geskryf om te vra dat die venue as eksamenlokaal heroorweeg word.
