LUR monitor heropening van skole in Bosbokrand
Loading player...
Die LUR vir onderwys in Mpumalanga, Bonakele Majuba, sal môre die eerste skooldag van 2024 in Bosbokrand monitor. Hy sal ondermeer deur die adjunkminister van Basiese Onderwys, Dr. Reginah Mhaule, en die provinsiale polisiekommissaris, Luitenant-generaal Semakaleng Manamela, vergesel word na Moduping Sekondêre Skool. Volgens ‘n woordvoerder van die departement, Gerald Sambo, sal hulle ook met rolspelers vergader oor onlangse voorvalle van misdaad waartydens skole in die area geteiken is.
