Regering faal Lily Myn-gesinne steeds
Loading player...
Die regering hou aan om die gesinne van die Lily Myn-tragedie in die steek te laat. Dit is volgens Harry Mazibuko, die woordvoerder van die gesinne van Pretty Nkambule, Yvonne Mnisi en Solomon Nyirenda. Hul liggame bly sedert die ineenstorting van die myn in Februarie 2016 ondergronds vasgekeer. Mazibuko sê hulle is Vrydag in kennis gestel dat die Departement van Minerale Bronne en Energie beplan om die mynlisensie weer toe te ken aan Vantage Goldfields, wat in beheer was ten tyde van die tragedie.
