Vergadering oor voorsiening van biomassa vir Otjikoto

NamPower en sy implementeringsvennote nooi belanghebbendes na betrokkenheid-sessies oor die voorgestelde Opkomende Brandstofvoorsieningstrategie vir die 40 megawatt Otjikoto-biomassakragstasie wat by Tsumeb ontwikkel word. Die projek sal indringerbos vir brandstof gebruik. Die kragstasie sal sowat 70 000 ton biomassa van kleinskaalse voorsieners per jaar benodig en sowat 160 000 ton van grootskaalse voorsieners. Die sessies sal op 31 Julie en 1 Augustus by die Kupfer Quelle-oord in Tsumeb gehou word. Kosmos 94.1 Nuus het met Jullian Nakanyala, woordvoerder van die Namibia Biomass Industry Group gepraat.