Leesmarathon regte medisyne vir geletterheidskrisis
Loading player...
Die afwesigheid van ‘n omvattende raamwerk om lees op pre-primêre en primêre vlak te bevorder, het aansienlik bygedra tot lae geletterheid in basiese onderwys in Namibië, sê onderwysminister Sanet Steenkamp. Sy het onlangs in die parlement gesê meer as tweederdes van graad 3-leerlinge in die land kan nie ’n eenvoudige sin lees of basiese wiskunde doen nie. Die nasionale leesmarathon wat jaarliks onder die vaandel van die direktoraat van biblioteek- en argiefdienste aangebied word, dien as teenvoeter hiervoor, sê Steenkamp. In ‘n toespraak wat Woensdag namens haar deur die direkteur van direktoraat, Sarah Negumbo, gelees is, sê sy lees is ‘n strategiese prioriteit vir die ministerie.
