Oud-ombud gesels oor onteiening van weduwees se eiendom

Namibiese weduwees staar verskeie uitdagings in die gesig, insluitend die verlies van hul oorlede eggenote se eiendom soos vee en boerderytoerusting, tesame met ekonomiese probleme en sosiale stigma. Die probleme word dikwels vererger deur tradisionele gewoonteregwette wat nie deursigtig is nie en skoonouers in staat stel om eiendom te konfiskeer. Voormalige Ombudsman John Walters sê in 'n onderhoud met Kosmos 94.1 Nuus daar is nie politieke wil om die onreg aan te spreek nie, en gee raad.