#Agri SA: Inisiatiewe om droogtehulp te verleen bring hoop

Boere ondervind steeds uitdagings ten opsigte van droogtehulp en die interpretering van die Covid-19-regulasies en die uitvoering daarvan deur polisiebeamptes. Dit sluit in toegang tot permitte en onkunde oor die permitstelsel vir reisdoeleindes. Andrea Campher, ramprisko-bestuurder by Agri SA, sê boere se veiligheid is noodsaaklik en die verbod op die patrollering deur plaaswagte in landelike gebiede, skep 'n onveilige situasie. Sy sê Agri SA is nietemin dankbaar vir Engen se samewerking ten opsigte van droogtehulp aan boere. Vir elke liter olie wat deelnemende Engen-ondernemings oor die land heen verkoop sal R1 tot Agri SA se droogtehulpfonds bygedra word. OFM-nuus se Christal-Lize Muller het met haar gepraat.