#VrystaatLandbou: Gebruik veiligheidsmiddele teen aanvalle op plase

Daar was 'n kombinasie van faktore wat 'n rol gespeel het in twee afsonderlike aanvalle op plase onderskeidelik in Ventersbrug en Bethlehem in die Vrystaat die afgelope naweek. 'n Veiligheidsrisiko-ontleder van Vrystaat Landbou (VL), dr. Jane Buys, sê in die Ventersburg voorval Sondag het dit duidelik na vore gekom dat sekuriteitswagte, wat boere in diens neem, 'n groot rol speel. In dié voorval is Mike van Rensburg se veiligheidswag Sondagaand deur vyf mans wat gewapen was aangeval. In die voorval in Bethlehem het Coenraad van der Westhuizen Saterdagoggend wakker geword van geluide buite sy huis. Hy het 'n waarskuwingskoot afgevuur. Buys sê in dié voorval was Van der Westhuizen se veiligheidskamerastelsel ook waardevol. Sy meen dit is juis daarom belangrik om tegnologiese hulpmiddels, wat beskikbaar is, te gebruik. OFM-nuus se Christal-Lize Muller het met Buys gepraat...