#NAMPO2020 BFAP betrokke by program om plaaslike en internasionale produksie-sisteme te vergelyk

Die Buro vir Voedsel- en Landboubeleid (BFAP) is betrokke by 'n internasionale studie wat handel oor koste en opbrengsbestuur asook winsgewendheid op die plaas. Die studie het onder die loep gekom op 'n paneelbespreking as deel van Graan SA (GSA) se Nampo Virtuele-handelskou se Agri Xtra-kanaal. Die gesprekleier was Theo Vorster, uitvoerende hoof van Galileo Capital, wat met Divan van der Westhuizen en Marion Delport, albei van BFAPm gepraat het oor die studie, wat betrekking het op winsgewende boerdery. Jaco Minnaar, 'n produsent, het ook aan dié bespreking deelgeneem.