Agri-Uur: 17 Februarie, Burre Burger

Almal sal die verwoestende brande van 2020 in die Vrystaat onthou. Tesame met baie boere verenigings, individue en finansiële donasies kon die hulpverleningsorganisasie, Droogtehulp met Burre Burger, meer as 300 beeste aflewer in die provinsie in die laaste week. Die organisasie het 'n hulpkreet van die Vrystaat-provinsie se boerderygemeenskap beantwoord. Burre Burger - die organisasie se stigter – sê boere in die Boshoff- en Hertzogville-omgewing het baie diere in die brand verloor. Daarom het hy en ‘n vriend, Werner Boshof, 'n projek genaamd "Borg 'n vers" begin. Die beeste se waarde word tussen R4 miljoen en R5 miljoen geskat.