Kosmos 94.1 Nuus

ICE-skietery van ma van 3 in Minneapolis steeds in die nuus

Loading player...
Internasionaal en spanning tussen Minnesota en federale amptenare het Donderdag vererger na 'n Amerikaanse immigrasie-agent vir Renee Nicole Good, 'n 37-jarige ma van drie, in Minneapolis doodgeskiet het. Die FBI het skielik besluit om alleen die voorval te ondersoek en nie meer met die Minnesota Buro vir Kriminele Aanhouding saam te werk nie. Die staat se goewerneur, Tim Walz, het op 'n perskonferensie gesê dat enige federale ondersoek sonder staatsbetrokkenheid, waarskynlik as 'n "witwassery" gesien sal word. Hy sê dit is omdat mense in magsposisies, van die president en vise-president tot die sekretaris van binnelandse veiligheid Kristi Noem, reeds dinge vir die publiek vertel het wat bewysbaar vals is. CNN se Christiane Amanpour het met Senator Bernie Sanders oor die voorval gepraat:
8 Jan 7PM Afrikaans South Africa News

Other recent episodes

BKS lei na verbod op Botswana gesplete hoef-diere, produkte

Die veeartsenydepartement het ‘n verbod op die invoer van gesplete hoef-diere en hul produkte uit Botswana aangekondig, na bek-en-klouseer in die land bevestig is. Die produkte sluit in dié vir persoonlike of huishoudelike gebruik. Die verbod het onmiddellik in werking getree. Die landbouministerie se woordvoerder, Romeo Muyunda, verduidelik.
12 Mar 8AM 1 min

Uitspraak voorbehou in AfriForum se matriekuitslag-saak

Die Hooggeregshof in Pretoria het uitspraak voorbehou oor die Inligtingsreguleerder se aansoek om verlof tot appèl teen die uitspraak wat toelaat dat matriekuitslae gepubliseer word. Die hof het voorheen bevind die gebruik van eksamennommers beskerm leerders se privaatheid en dien ook die openbare belang. Alana Bailey van AfriForum sê hulle…
12 Mar 8AM 1 min

Eerste millimeter-golflengte radioteleskoop in Afrika op pad na Namibië

Namibië sal Afrika se eerste millimeter-golflengte radioteleskoop huisves nadat 'n kontrak onderteken is om met die konstruksie van die Africa Millimeter Telescope te begin, wat deel sal vorm van die globale Event Horizon Telescope-netwerk. Die teleskoop sal naby die HESS-sterrewag by Gamsberg gebou word. Die ligging bied hoë hoogte, 'n…
12 Mar 7AM 1 min

Begroting moet meer aan landbou, ontwikkeling toewys: Venaani

Die parlement debatteer steeds die 2026/27-begroting en PDM-president McHenry Venaani het dit as herhalend en stagnant beskryf. Hy sê hoewel maatskaplike besteding belangrik is, moet die regering kyk na meer ontwikkelingsbesteding as dit werkloosheid wil aanspreek. Venaani sê die landbousektor speel 'n sentrale rol en moet meer aandag kry.
12 Mar 7AM 1 min
All episodes