Kosmos 94.1 Nuus

Swapo sit nie op VN-veteraangeld, sê Shaningwa

Loading player...
Swapo se sekretaris-generaal, Sophia Shaningwa, het bewerings ontken dat die party oorlogsveteraanbefondsing wat glo van die Verenigde Nasies ontvang is, terughou. Sy sê Swapo se finansiële rekords toon geen sodanige fondse nie. Shaningwa het die kwessie Saterdag tydens ’n vergadering met oorlogsveterane bespreek, wat sedert verlede jaar by die party se nasionale hoofkwartier kamp. Die VN se Hoë Kommissaris vir Vlugtelinge se verteenwoordiger, Kavita Belani, het voormalige Namibiese vlugtelinge wat in 1989 gerepatrieer is, meegedeel dat alle fondse wat vir hul bystand bestem was, uitgeput is. Intussen het die VN se inwonende koördineerder in Namibië, Hopolang Phororo, gesê dat alle skenkerfondse wat vir ballingskap- en vlugtelingerepatriasie voor onafhanklikheid gebruik is, volledig verreken is.
17 Jan 9PM Afrikaans South Africa News

Other recent episodes

Die Dag Wat Was, 29 Junie 2026

Welkom by die Die Dag Wat Was, waar jy 'n oorsig kry van die belangrikste nuusgebeure, plaaslik en buite ons grense. As jy dalk 'n bullie misgeloop het deur die loop van die dag, gaan jy op die uur die hoofpunte kan volg. Daar is iets van alles, van die varsste nuus uit die howe tot die politiek en wyer. En soos gewoonlik kry jy dit net op een plek, en dis Kosmos 94.1! 
29 Jun 10AM 4 min

Regering verskerp beskerming van mariene hulpbronne

Namibië verskerp pogings om sy mariene hulpbronne te beskerm en internasionale samewerking in visserye en bewaring te versterk. Die minister van inligting, Emma Theofelus, sê die kabinet het 'n nuwe memorandum van ooreenkoms met Spanje goedgekeur om mariene navorsing, visserybestuur en kapasiteitsbou te bevorder. Die kabinet het ook Namibië se…
29 Jun 8AM 1 min

Madlanga-kommissie krap kop ná Khan-skietvoorval

Die Madlanga-kommissie gaan die senior misdaadintelligensie-offisier Feroz Khan se regsverteenwoordigers raadpleeg voor hulle besluit oor die pad vorentoe, nadat hy Sondagaand 'n skietvoorval oorleef het. Woordvoerder Jeremy Michaels sê Khan sal nie soos geskeduleer verskyn nie, terwyl die kommissie die uitwerking daarvan op sy program beoordeel. Hy beklemtoon die kommissie…
29 Jun 8AM 1 min

'CoW mislei inwoners,' sê aktivis

Nadat Stad Windhoek 'n uitnodiging wat deur die Khomas Ratepayers Association aan alle inwoners gerig is as misleidend bestempel het, het die woordvoerder van die vereniging, Shaun Gariseb, sterk gereageer. Volgens hom mislei die Stad die inwoners. Die uitnodiging is na wat die vereniging 'n kritieke vergadering met die volle…
29 Jun 8AM 1 min

Cran kry MTC voor stok oor data, diens

Kommer deur MTC-kliënte oor data wat vinnig verdwyn, onduidelike fakturering en algemene diensgehalte het Cran tot aksie gedryf. Die reguleerder het met MTC vergader om toesig te versterk en 'n tegniese verifikasieproses van stapel te stuur wat daarop gemik is om klagtes te ondersoek en verbruikersvertroue te herstel. Cran-woordvoerder Mufaro…
29 Jun 7AM 1 min
All episodes