NNN ferm oor veiligheid van regsbeamptes

Wetteloosheid en beamptes van die gereg wat vir hul lewens vrees in die uitvoering van hul pligte, sal nie in Namibië geduld word nie, sê president Netumbo Nandi-Ndaitwah. Die staatshoof, wat tans die leierspitsberaad van die Afrika-unie in Ethiopië bywoon, se boodskap is Vrydagmiddag namens haar deur eerste minister Elijah Ngurare by die gedenkdiens van wyle aanklaer Justine Shiweba in die Onambango-nedersetting in Oshikoto gelewer. Shiweda het verlede naweek aan haar wonde beswyk ná sy in Oktober aangeval is. Sy word vanoggend in Onambango begrawe.