André Swiegers kuier in Gister Se Grotes

André Swiegers het in 1990 sy deurbraak as liedjieskrywer gemaak, nadat Laurika Rauch sy liedjie “Blou” opgeneem en dit trefferstatus bereik het. As sanger is hy bekend vir liedjies soos “Eva” en die tong-in-die-kies treffer “Jammer om te hoor”. Maar dis nie waar sy loopbaan begin en eindig nie. Hy het as kunstenaar diep spore getrap op verskeie terreine. Hy is vandag ons gas in Gister Se Grotes en ons gaan uitvind uit watter ander kleure, behalwe blou, sy lewe en loopbaan bestaan.